Die Hoërskool Wagpos beskik tans oor 3 rugbyvelde, twee hokkievelde, atletiekbaan, ‘n swembad en twee krieketvelde. Die feit dat sport hier in die opelug gespeel word, is vir ons leerders van groot voordeel. Ons leerders kry baie goeie afrigting by die personeel. Die Hoërskool Wagpos neem aan verskeie ligas deel onder andere Super Reeks, Apo, Blou Bul e.a. Wagpossport het nog elke jaar verbeter en word die skool meer en meer kompeterend.

Hier by Die Hoërskool Wagpos bied ons 13 sportkodes aan. Die sportkodes is:

  • Atletiek
  • Rugby
  • Swem
  • Krieket
  • Netbal
  • Hokkie
  • Landloop
  • Skyfskiet
  • Tennis
  • Skaak
  • Gholf
  • Jeugskou

Kultuur by Die Hoërskool Wagpos is springlewendig en SUPEROPWINDEND! Ons bied ‘n wye verskeideinheid aktiwiteite aan, wat vir ALLE kultuurvrate die geleentheid bied om hul talente uit te leef. Ons jongste spogbaba is ons staatsteatergehalte revue-item. Ons dans verlede jaar die Kunswedstryd aan die brand en spog met ‘n A++. 90 Redenaars rek bek, 24 vorder tot by die ATKV. Tydens debatte stry en baklei ons vurig oor sake wat belangrik is. By ons Leesfees maak ons stories waar. As jy soos ‘n nagtegaal kan sing, is jou plek reeds bespreek in ons Wagposkoor. Vir ons  Musieksentrum se musikante is Unisa-eksamens net ‘n noot ver! Ons voornemende fotograwe se kameras klik by die Fotografieklub.

Of jy nou ‘n Voortrekker of ‘n Agtertrekker is, moenie ‘n AGTERTREKKER wees nie! Waar ‘n rokie trek, brand ‘n vuurtjie. KULTUUR op Wagpos is aan die brand!     

Aktiwiteite:

  • Redenaars – ATKV, RADIKAAL
  • Debat
  • Kunswedstryd
  • Musiekblyspel
  • Fotografie
  • Skoolkoerant
  • Revue
  • Koor
  • Boekemaand
  • Leesfees
  • Mnr & Mej Wagpos
  • Tienertoneel
  • Voortrekkers
  • Kultuuraand

Navrae

Kontak gerus die Hoërskool Wagpos vir meer inligting.

012 072 2733

ontvangs@wagposhs.co.za

Skoolkantoor: 012 072 2733

Algemeen: ontvangs@wagposhs.co.za

Finansies: finansies@wagposhs.co.za

© Die Hoërskool Wagpos. All rights reserved.